જામજોધપુરમાં જુગાર પર પોલીસનો દરોડો:ઝાડ નીચે ટોર્ચના અજવાળે 6 શખ્સો રૂ.22,500 સાથે ઝડપાયા

જામજોધપુરના ભેરીયાની ભીત વાડી વિસ્તારમાં પોલીસે તીનપત્તીના જુગાર પર દરોડો પાડ્યો હતો. આ દરોડામાં ઝાડ નીચે ટોર્ચના અજવાળે જુગાર રમતા છ શખ્સોને ઝડપી પાડવામાં આવ્યા હતા. પોલીસે તેમની પાસેથી રૂ. 22,500 રોકડા અને ગંજીપત્તાના પાના કબજે કર્યા હતા. પોલીસે જીતેન્દ્રભાઇ અમરાભાઇ વિઝુંડા, સુનીલભાઇ બટુકભાઇ બગડા, દેવસીભાઇ સુકાભાઇ ઓડેદરા, રાજુભાઇ પરબતભાઇ ગોરાણીયા અને મુરૂભાઇ પોલાભાઇ ઓડેદરા સહિત પાંચ આરોપીઓની ધરપકડ કરી છે. જ્યારે 73 વર્ષીય અરસીભાઇ રણમલભાઇ સીસોદીયાને નોટિસ આપી, જુગારધારા કલમ-12 હેઠળ કાયદેસરની કાર્યવાહી હાથ ધરવામાં આવી છે.