જામજોધપુરમાં વર્લી-મટકાના જુગાર પર પોલીસનો દરોડો:બે અલગ-અલગ સ્થળેથી બે જુગારી રોકડ સાથે ઝડપાયા

જામજોધપુર તાલુકાના પાટણ વિસ્તારમાં પોલીસે બે અલગ-અલગ સ્થળે દરોડા પાડ્યા હતા. પોલીસે વર્લી-મટકાના આંકડા લખી જુગાર રમતા બે લોકોને પકડી પાડ્યા હતા. ગાય સર્કલ પાસેથી રવિભાઈ ધિરૂભાઈ ઝિંઝુવાડીયાને પકડવામાં આવ્યા હતા. તેમની પાસેથી રોકડા 110 રૂપિયા મળ્યા હતા. તેવી જ રીતે, પાટણ ગામના બસ સ્ટેન્ડ નજીકથી શૈલેષ ઉકાભાઈ પરમારને ઝડપી લેવાયા હતા. તેમની પાસેથી 80 રૂપિયા રોકડા જપ્ત કરવામાં આવ્યા હતા. પોલીસે બંને આરોપીઓ સામે જુગારધારા કલમ 12(અ) હેઠળ ગુનો નોંધ્યો છે. આ મામલે આગળની કાર્યવાહી શરૂ કરવામાં આવી છે.