Jambusarના મગણાદ ગામે ઘાસ ભરેલી ટ્રકમાં અચાનક લાગી ભીષણ આગ

જંબુસર તાલુકાના મગણાદ ગામે ગત રોજ એક ઘાસ ભરેલી ટ્રકમાં અચાનક આગ લાગવાની ઘટના સામે આવી હતી. રોડ પરથી પસાર થઈ રહેલી ઘાસની ટ્રકમાં અચાનક આગના લપેટા ઊઠતા જ વિસ્તારમાં અફરાતફરીનો માહોલ સર્જાયો હતો. ઘટનાની ગંભીરતાને ધ્યાને રાખીને સ્થાનિકો દ્વારા તાત્કાલિક ફાયર બ્રિગેડને આ અંગે જાણ કરવામાં આવી હતી. ફાયર ફાઇટરોએ આગ પર મેળવ્યો કાબૂ ઘાસથી ભરેલા ટ્રકમાં આગ લાગવાની જાણ થતાં જ જંબુસર અને આમોદની ફાયર ફાઇટર ટીમો તાત્કાલિક ઘટનાસ્થળે દોડી આવી હતી. ફાયર ફાઇટરોએ ભારે જહેમત ઉઠાવીને પાણીનો મારો ચલાવી આગ પર કાબૂ મેળવ્યો હતો. સમયસર ફાયર વિભાગ દ્વારા કરવામાં આવેલી ત્વરિત કામગીરીને કારણે આગ વધુ વિકરાળ સ્વરૂપ ધારણ કરે તે પહેલાં જ તેને કંટ્રોલમાં લેવામાં સફળતા મળી હતી. સદનસીબે જાનહાનિ ટળી આગની આ ઘટનામાં ફાયર ફાઇટરોની વિલંબ વગરની કામગીરીના કારણે મોટી દુર્ઘટના ટળી હતી. સદનસીબે આ ભયાનક બનાવમાં કોઈ મોટી જાનહાનિ કે દુર્ઘટના સર્જાઈ નહોતી. આગ સંપૂર્ણપણે કંટ્રોલમાં આવી જતાં સ્થાનિક રહીશો અને માર્ગ પરથી પસાર થતા વાહનચાલકોએ પણ સુખદ રાહતનો શ્વાસ લીધો હતો. ગુજરાતના વધુ સમાચાર વાંચવા માટે ક્લિક કરો