ઝારખંડમાં ભયાવહ અકસ્માત! ટક્કર વાગતા કન્ટેનર નીચે ઓટો રિક્ષા દબાઈ ગઈ, 7 લોકોના ઘટનાસ્થળે જ મોત

ઝારખંડના લાતેહાર જિલ્લામાં ભયાનક માર્ગ અકસ્માત સર્જાયો છે. ચંદવા પોલીસ સ્ટેશન વિસ્તારની દેઢ ટંગવા ઘાટીમાં ઓટો રિક્ષા અને કન્ટેનર વચ્ચે સામસામે ટક્કર થઈ હતી. આ ગોઝારા અકસ્માતમાં ઓટોમાં સવાર 7 લોકોના ઘટનાસ્થળે જ કરુણ મોત નિપજ્યા. અનેક લોકો ગંભીર રીતે ઈજાગ્રસ્ત થયા હતા. પોલીસે સ્થાનિકોની મદદથી બચાવ કામગીરી હાથ ધરી, ઇજાગ્રસ્તોને હોસ્પિટલ ખસેડાયા છે.