મેચ રમશો તો જ મળશે વાર્ષિક કોન્ટ્રાક્ટ, BCCI લાવવા જઈ રહ્યું છે નવો નિયમ, ખેલાડીઓની વધશે મુશ્કેલીઓ!

BCCI ખેલાડીઓના વાર્ષિક સેન્ટ્રલ કોન્ટ્રાક્ટના નિયમોમાં મોટો ફેરફાર કરવાનું વિચારી રહ્યું છે. હવે, શાનદાર પ્રદર્શન ઉપરાંત 'મેચ માટેની ઉપલબ્ધતા' પણ કોન્ટ્રાક્ટ માટે મહત્વની શરત બનશે. તાજેતરમાં ઘણા મુખ્ય ખેલાડીઓ ઈજાગ્રસ્ત થતા મોટી મેચો ચૂકી ગયા હતા. બોર્ડ ખેલાડીઓની ફિટનેસ અને હાજરી પર નજર રાખવા એક ફોર્મ્યુલા પર ચર્ચા કરી રહ્યું છે, જેમાં કોન્ટ્રાક્ટ માટે ન્યૂનતમ મેચોની ઉપલબ્ધતા નક્કી કરાશે. આ વિચાર હજુ પ્રારંભિક તબક્કામાં છે.