મહીસાગર: લુણાવાડા-સંતરામપુર હાઇવે પર ગમખ્વાર અકસ્માત, દૂધના ટેન્કરે કારને અડફેટે લેતાં એક જ પરિવારના 3 લોકોના મોત

મહીસાગરના લુણાવાડા-સંતરામપુર હાઇવે પર હરિગરના મુવાડા ગામ નજીક ગમખ્વાર અકસ્માત સર્જાયો હતો. દૂધના ટેન્કર અને કાર વચ્ચેની ભયાનક ટક્કરમાં દાહોદના એક જ પરિવારના 3 સભ્યોના ઘટનાસ્થળે જ કમકમાટીભર્યા મોત થયા હતા. મૃતકોમાં હાર્દિક પ્રજાપતિ, તેમની માતા પુષ્પાબહેન અને દાદી સવિતાબહેનનો સમાવેશ થાય છે. ટેન્કર ચાલક ફરાર થઈ ગયો હતો. પોલીસે ઘટનાસ્થળે પહોંચી વધુ તપાસ હાથ ધરી છે.