મેંદામાં જોવા મળ્યો જીવાતનો ઢગલો!

બેકરી પ્રોડક્ટના શોખીનો માટે લાલબત્તી સમાન ઘટના ચર્ચામાં આવી છે. લાંભા-નારોલની મુસ્કાન બેકરી તથા બહેરામપુરાની પ્રિન્સ બેકરી સામે અમદાવાદ મહાનગરપાલિકાના ફૂડ વિભાગે કાર્યવાહી કરી છે. આ બંન્ને બેકરીઓમાં હાઈજીનના નિયમોનું પાલન કરવામાં આવી રહ્યું નહોતું. તેમજ ફૂડ સેફ્ટી લાયસન્સ વગર આ બેકરી ધમધમતી હોવાનો પણ ખુલાસો થયો છે. ચોંકાવનારી બાબત એ છે કે આ બેકરીમાં ઉપયોગમાં લેવાતા મેંદામાં જીવાતોનો ઢગલો જોવા મળતા ખુદ ફૂડ વિભાગ પણ સ્તબ્ધ થઈ ગયો હતો. ત્યારે સમગ્ર મામલે મનપાના ફૂડ વિભાગ દ્વારા બેકરીને સીલ મારીને કાયદેસરની કાર્યવાહી કરાઈ છે.