લાલપુરના જોગવડ ગામે તિરંગા યાત્રા યોજાઈ:'હર ઘર તિરંગા' અભિયાન અંતર્ગત ગ્રામજનો ઉત્સાહભેર જોડાયા

લાલપુર તાલુકાના જોગવડ ગામે 'હર ઘર તિરંગા' અભિયાન અંતર્ગત તિરંગા યાત્રાનું આયોજન કરવામાં આવ્યું હતું. આ યાત્રામાં મોટી સંખ્યામાં ગ્રામજનો, યુવાનો, બાળકો અને આગેવાનો ઉત્સાહપૂર્વક જોડાયા હતા. તિરંગા સાથે નીકળેલી આ યાત્રા ગામના વિવિધ વિસ્તારોમાંથી પસાર થઈ હતી. યાત્રા દરમિયાન દેશભક્તિના નારા અને 'ભારત માતા કી જય'ના જયઘોષ ગુંજી ઉઠ્યા હતા. આ યાત્રામાં ગ્રામજનોમાં દેશપ્રેમ અને રાષ્ટ્રભાવનાનો ઉત્સાહ સ્પષ્ટપણે જોવા મળ્યો હતો. 'હર ઘર તિરંગા' અભિયાનને સફળ બનાવવા માટે સૌએ ઉત્સાહભેર ભાગ લીધો હતો.