આદિજાતિ વિસ્તારોના વિકાસ માટે દરખાસ્તોને મંજૂરી:વલસાડમાં પ્રભારી મંત્રીની હાજરીમાં આદિજાતિ વિકાસ મંડળની બેઠક યોજાઈ

વલસાડ જિલ્લા કલેક્ટર કચેરીમાં પ્રભારી મંત્રી નરેશભાઈ પટેલની હાજરીમાં વલસાડ જિલ્લા આદિજાતિ વિકાસ મંડળની બેઠક યોજાઈ હતી. આ બેઠકમાં આદિજાતિ વિસ્તારોના વિકાસ માટેની દરખાસ્તો પર ચર્ચા થઈ હતી અને જરૂરી મંજૂરીઓ અંગે નિર્ણય લેવાયો હતો. બેઠક દરમિયાન, ન્યૂ ગુજરાત પેટર્ન યોજના હેઠળ આદિજાતિ વિસ્તારોમાં થનારા જુદા જુદા વિકાસ કામોની દરખાસ્તો પર વિગતવાર ચર્ચા થઈ. આ સાથે, જરૂરી મંજૂરીઓ આપવા અંગે પણ નિર્ણય લેવાયો હતો. આદિજાતિ વિસ્તારોનો સર્વાંગી વિકાસ થાય, પાયાની સુવિધાઓ વધુ મજબૂત બને અને વિકાસના કામો ઝડપથી પૂરા થાય તે માટે જરૂરી માર્ગદર્શન અને સૂચનાઓ અપાઈ હતી. આદિજાતિ સમાજના વિકાસ સાથે જોડાયેલા પ્રશ્નોને પ્રાથમિકતા આપીને છેવાડાના લોકો સુધી વિકાસનો લાભ પહોંચાડવા માટે સતત પ્રયત્નશીલ રહેવાનો નિર્ધાર કરાયો હતો.