અમદાવાદ: સરખેજથી વાયએમસીએ તરફ જતા રોડની બાજુમાં પાણીથી ભરેલા ખાડામાંથી અજાણ્યા પુરુષનો મૃતદેહ મળ્યો

અમદાવાદના SG હાઈવે પર સરખેજ-YMCA રોડ નજીક ખુલ્લા પ્લોટમાં પાણી ભરેલા ખાડામાંથી એક અજાણ્યા પુરુષનો મૃતદેહ મળતા ચકચાર મચી છે. શુક્રવારે સાંજે સ્થાનિકોએ જાણ કરતા સરખેજ પોલીસે ઘટનાસ્થળે પહોંચી મૃતદેહ બહાર કાઢી પોસ્ટમોર્ટમ માટે મોકલ્યો. પોલીસે મૃતકની ઓળખ અને મૃત્યુનું કારણ જાણવા CCTV ફૂટેજ તપાસી વધુ તપાસ હાથ ધરી છે.