જંતર-મંતર વિરોધ પ્રદર્શન-સુપ્રીમ કોર્ટે તપાસ સમિતિ બનાવી:પૂર્વ ન્યાયાધીશને અધ્યક્ષ બનાવ્યા, પ્રદર્શનકારીઓ પર બળપ્રયોગના આરોપોની તપાસ કરશે

સુપ્રીમ કોર્ટે જંતર મંતર પર કોકરોચ જનતા પાર્ટીના પ્રદર્શનકારીઓ પર બળપ્રયોગના આરોપોની તપાસ માટે પાંચ સભ્યોની હાઈ પાવર્ડ કમિટી બનાવી છે. કમિટીના અધ્યક્ષ સુપ્રીમ કોર્ટના પૂર્વ જજ જસ્ટિસ આર. સુભાષ રેડ્ડીને બનાવવામાં આવ્યા છે. તેમના ઉપરાંત પંજાબ-હરિયાણા હાઈકોર્ટના પૂર્વ ચીફ જસ્ટિસ રવિ શંકર ઝા, દિલ્હી હાઈકોર્ટના પૂર્વ જજ જસ્ટિસ શલિંદર કૌર, CBIના પૂર્વ ડાયરેક્ટર ઋષિ કુમાર શુક્લા અને મેઘાલયના નિવૃત્ત DGP ડો. એલઆર બિશ્નોઈ કમિટીમાં સામેલ છે. પ્રદર્શન દરમિયાન આરોપ લગાવવામાં આવ્યા હતા કે પોલીસે પેલેટ ગન, લાઠીચાર્જ અને ટીયર ગેસનો જરૂરિયાત કરતાં વધુ ઉપયોગ કર્યો હતો. મહિલા પ્રદર્શનકારીઓ વિરુદ્ધ હિંસા, ભીડને સંભાળવાની રીતોના પણ આરોપ લગાવવામાં આવ્યા છે. 20 જુલાઈએ CJP સમર્થકોએ જંતર-મંતરથી સંસદ સુધી કૂચ કાઢી હતી. આ દરમિયાન પોલીસ કાર્યવાહી કરવામાં આવી હતી. સુપ્રીમ કોર્ટમાં પ્રદર્શન દરમિયાન પોલીસ કાર્યવાહીની કોર્ટની દેખરેખ હેઠળ તપાસની માંગ કરતી અરજીઓ દાખલ કરવામાં આવી છે. આ પછી સુપ્રીમ કોર્ટે કમિટી બનાવી. જંતર-મંતર પોલીસ એક્શનની તસવીરો દિલ્હી પોલીસે કહ્યું- માર્ચ ગેરકાયદેસર હતી