ભારતીય સેનાને મોટી સફળતા, જમ્મુ કાશ્મીરમાં લશ્કરનો પાકિસ્તાની કમાન્ડર માર્યો ગયો

Jammu Kashmir News : જમ્મુ કાશ્મીરના બડગામ જિલ્લાના ઉપરના ભાગમાં ભારતીય સેનાને મોટી સફળતા મળી છે. સુરક્ષા દળોએ શનિવારે પાકિસ્તાની લશ્કર-એ-તૈયબા કમાન્ડરને ઠાર માર્યો છે. યુસમાર્ગ વિસ્તારમાં આતંકવાદીઓ અને સુરક્ષા દળો વચ્ચે અથડામણ થઇ હતી. રિપોર્ટ પ્રમાણે પાકિસ્તાની કમાન્ડરની ઓળખ યાસિર તરીકે થઈ છે. સુરક્ષા દળોને આ વિસ્તારમાં આતંકવાદીઓની હાજરીની માહિતી મળી હતી. ત્યારબાદ તેને શોધવા માટે સર્ચ ઓપરેશન શરૂ કરવામાં આવ્યું હતું. થોડીવારમાં અથડામણ શરુ થઇ હતી અને યાસિર માર્યો ગયો હતો. સુરક્ષા એજન્સીઓની લાંબા સમયથી આતંકવાદી પર નજર હતી આ એન્કાઉન્ટર સ્પેશિયલ ફોર્સ અને 53મી રાષ્ટ્રીય રાઇફલ્સ વચ્ચેના સંયુક્ત ઓપરેશનના ભાગ રૂપે થયું હતું. રિપોર્ટમાં સૂત્રોના હવાલાથી જણાવાયું છે કે યાસિર લશ્કર-એ-તૈયબાના સુલેમાન મુસા જૂથનો ભાગ હતો, પરંતુ એક વર્ષ પહેલા અલગ થઈ ગયો હતો. ત્યારથી તે એક અલગ જૂથમાંથી આતંકવાદી પ્રવૃત્તિઓ કરી રહ્યો હતો. સુરક્ષા એજન્સીઓ લાંબા સમયથી આતંકવાદી પર નજર રાખી રહી હતી. જ્યારે આ વિસ્તારમાં તેની હાજરીની જાણ થઈ ત્યારે સુરક્ષા દળોએ તેને એન્કાઉન્ટરમાં ઢેર કર્યો છે. સૂત્રોએ જણાવ્યું હતું કે ગ્રુપથી અલગ થયા પછી યાસિર આ વિસ્તારમાં લશ્કર-એ-તૈયબાના મુખ્ય ઓપરેટિવ તરીકે ઉભરી આવ્યો હતો. યુસમાર્ગના ઉપરના ભાગોમાં તેની કથિત હાજરી બાદ સુરક્ષા દળોએ આ ઓપરેશન શરૂ કર્યું હતું. આ દરમિયાન જમ્મુ કાશ્મીરના સાંબા જિલ્લામાં સુરક્ષા મજબૂત કરવા અને તકેદારી વધારવા માટે પોલીસે શુક્રવારે સરહદી વિસ્તારોમાં સંયુક્ત સર્ચ અને એરિયા સર્વેલન્સ ઓપરેશન શરૂ કર્યું હતું. અધિકારીઓના જણાવ્યા અનુસાર આ ઓપરેશન રીગલ ગામથી શરૂ થયું હતું અને ચિલ્લેરિયા, નડાલા અને પ્લુરા વિસ્તારો સુધી વિસ્તર્યું હતું. જમ્મુ કાશ્મીરમાં સુરક્ષા દળોએ એક આતંકવાદીને ઠાર માર્યો, બીજાની શોધ માટે સર્ચ ઓપરેશન ઓપરેશન દરમિયાન વ્યૂહાત્મક સ્થળોએ પોલીસ અને બોર્ડર સિક્યુરિટી ફોર્સ (BSF) ની એક ખાસ સંયુક્ત ટીમ તૈનાત કરવામાં આવી હતી. આ ઓપરેશનનું નિરીક્ષણ સાંબાના અધિક પોલીસ અધિક્ષક, સ્પેશિયલ ઓપરેશન ગ્રુપ (SOG) ના નાયબ પોલીસ અધિક્ષક અને BSF નિરીક્ષક દ્વારા કરવામાં આવ્યું હતું.