પાટણ ભાજપ કાર્યાલયે મુસ્કાન પ્રજાપતિએ ધ્વજવંદન કર્યું:જિલ્લા પ્રમુખ રમેશ સિંધવ, કે.સી. પટેલ સહિત આગેવાનો ઉપસ્થિત રહ્યા

પાટણ જિલ્લા ભાજપ કાર્યાલય કમલમ ખાતે રાષ્ટ્રીય પર્વની ઉજવણી કરવામાં આવી હતી. આ પ્રસંગે લોન ટેનિસ ખેલાડી મુસ્કાન પ્રજાપતિના હસ્તે ધ્વજવંદન કરાયું હતું. કાર્યક્રમમાં જિલ્લા ભાજપના હોદ્દેદારો અને મોટી સંખ્યામાં કાર્યકરો હાજર રહ્યા હતા. કમલમ પરિસરમાં આયોજિત આ ધ્વજવંદન કાર્યક્રમમાં મુસ્કાન પ્રજાપતિએ ત્રિરંગો લહેરાવી રાષ્ટ્રધ્વજને સલામી આપી હતી. આ પ્રસંગે પાટણ જિલ્લા ભાજપ પ્રમુખ રમેશભાઈ સિંધવ, પૂર્વ પ્રદેશ મહામંત્રી કે.સી. પટેલ, શહેર ભાજપ પ્રમુખ હર્ષ પટેલ તેમજ સંગઠનના વિવિધ પદાધિકારીઓ ઉપસ્થિત રહ્યા હતા. ઉપસ્થિત તમામ આગેવાનો અને કાર્યકરોએ ધ્વજવંદન કર્યા બાદ રાષ્ટ્રગીતનું ગાન કર્યું હતું.