'પત્નીને લગ્નજીવનમાં રસ નથી, માત્ર ભરણપોષણ માટે અરજી કરી': અમદાવાદ ફેમિલી કોર્ટે પત્નીની માગ ફગાવી, બાળક માટે ₹7 હજાર મંજૂર

અમદાવાદની ફેમિલી કોર્ટે ભરણપોષણના એક કેસમાં મહત્વનો ચુકાદો આપ્યો છે. સ્વેચ્છાએ પિયર ગયેલી પત્નીની ₹45 હજાર માસિક ભરણપોષણની અરજી રદ થઈ. જોકે, કોર્ટે 28 વર્ષીય પતિને પોતાના માસૂમ બાળકના ઉછેર માટે દર મહિને ₹7,000 ચૂકવવા આદેશ કર્યો. પત્નીએ પતિ પર ત્રાસનો આરોપ મૂક્યો હતો, પરંતુ કોર્ટે પત્ની સ્વેચ્છાએ અલગ રહેતી હોવાથી ભરણપોષણ નામંજૂર કર્યું.