સુરતમાં કપાસ મંડળીમાં 50 લાખથી વધુની ગેરરીતિ? સભાસદોએ હોબાળો મચાવ્યો

સુરત જિલ્લાના ઓલપાડમાં કપાસ વેચાણ કરતી સહકારી મંડળીની જનરલ સભા તોફાની બની હતી. સભા શરૂ થયાની ગણતરીની મિનિટોમાં જ સભાસદોએ હોબાળો મચાવ્યો અને મંડળીના વહીવટમાં લાખો રૂપિયાની ગેરરીતિ થઈ હોવાના ગંભીર આક્ષેપો લગાવ્યા. ઓલપાડની ધી સોંસક ગ્રુપ કો-ઓપરેટિવ કોટન સેલ સોસાયટીની જનરલ સભામાં કેટલાક સભાસદોએ નાણાકીય વહીવટ સામે પણ સવાલો ઉઠાવ્યા હતા, એટલું જ નહીં, સરકાર તરફથી નિયુક્ત સમિતિ સમક્ષ કથિત કૌભાંડની વિગતો રજૂ કરવામાં આવતા જવાબદાર લોકોમાં પણ દોડધામ મચી ગઈ. મેનેજર સહિત ત્રણ કર્મચારીઓએ 50 લાખ રૂપિયાથી વધુની કથિત ગોબાચારી કર્યાનો આક્ષેપ છે.