ટ્રાન્સપોર્ટના ગુ્રપમાં વાયરલ ઓડિયોના મુદ્દે વળતી ફરિયાદ

વડોદરામાં ટ્રાન્સપોર્ટના બે ગ્રુપ વચ્ચે ધમકીભર્યા ઓડિયો ક્લિપ મુદ્દે વિવાદ વકર્યો છે. આજવારોડના સોનુ રણવીર સિંહે બાપોદ પોલીસ સ્ટેશનમાં ફરિયાદ નોંધાવી છે કે, અભિષેક તનવરે તેમના નાના ભાઈ અને ભાડૂત વચ્ચેની વાતચીતનો ઓડિયો ગ્રુપમાં મૂક્યો હતો. આ બાબતે અભિષેકે તેમને ગાળો ભાંડી જાનથી મારી નાખવાની ધમકી આપી હતી. સુનીલ બિશુએ પણ બંદૂક બતાવી જાનથી મારી નાખવાની ધમકી આપી હતી. પોલીસે ગુનો નોંધી વધુ તપાસ હાથ ધરી છે.