ટ્વીટ કરવાથી હોર્મુઝ પર અમેરિકાનો કબજો નહીં થઈ જાય, ટ્રમ્પની ચેતવણી બાદ ઈરાને બાંયો ચડાવી

અમેરિકી રાષ્ટ્રપતિ ડોનાલ્ડ ટ્રમ્પના નિવેદન બાદ હોર્મુઝ સ્ટ્રેટ મુદ્દે મધ્ય પૂર્વમાં તણાવ વધ્યો છે. ટ્રમ્પે હોર્મુઝને અમેરિકાનું ક્ષેત્ર જાહેર કરવાનો દાવો કરતા, ઈરાનના ઉપ વિદેશ મંત્રી કાજેમ ગરીબાબાદીએ X પર જણાવ્યું કે, આ જળમાર્ગ ઈરાનનો જ રહેશે. તેમણે કડક શબ્દોમાં કહ્યું કે, હોર્મુઝ ખોલવાનો કે બંધ રાખવાનો નિર્ણય માત્ર ઈરાનના હાથમાં છે.