વૈશ્વિક ટેરિફ વોરના ભણકારા! કેનેડા-યુરોપે હાથ મિલાવતાં થતાં ટ્રમ્પ લાલઘૂમ, વેપાર રોકવાની ધમકી

અમેરિકા-કેનેડા વચ્ચેના રાજદ્વારી વિવાદમાં નવો વળાંક આવ્યો છે. યુરોપિયન યુનિયને કેનેડાને પોતાનો પ્રથમ સહયોગી સભ્ય બનવાની ઓફર કરી છે. ફ્રાન્સના સ્ટ્રાસબર્ગમાં યુરોપિયન કમિશનના પ્રમુખ ઉર્સુલા વોન ડેર લેયેને આ જાહેરાત કરી. યુએસ પ્રમુખ ડોનાલ્ડ ટ્રમ્પે આને દુશ્મનાવટભર્યું પગલું ગણાવી યુરોપ પર ઊંચા ટેરિફ લાદવાની અને વેપાર અટકાવી દેવાની ધમકી આપી છે. કેનેડાએ આંતરરાષ્ટ્રીય સંબંધો બાબતે કોઈની દખલગીરી ન સ્વીકારવાનું સ્પષ્ટ કર્યું છે.