વલસાડ: ઉમરગામ GIDCમાં હિંગનું ઉત્પાદન કરતા પ્લાન્ટ પર ફૂડ એન્ડ ડ્રગ્સ વિભાગનું ચેકિંગ, 26 લાખનો જથ્થો સીઝ કરાયો

વલસાડના ઉમરગામ GIDCમાં આવેલી એવરગ્રીન ફૂડ કંપની પર ફૂડ અને ઔષધ નિયમન તંત્રે દરોડા પાડ્યા હતા. એવરેસ્ટ ફૂડ પ્રોડક્ટ માટે હિંગનું જોબવર્ક કરતી આ કંપનીમાંથી રૂ. 26,81,340ની કિંમતનો 4,668.8 કિલોગ્રામ હિંગનો પાઉડર સીઝ કરાયો છે. ફૂડ સેફ્ટી ઓફિસર દ્વારા હિંગના નમૂના રાજકોટ લેબોરેટરીમાં પૃથ્થકરણ માટે મોકલાયા છે. રિપોર્ટ બાદ કાયદેસરની કાર્યવાહી થશે.