વલસાડમાં ગેસ સિલિન્ડર ભરેલો ટેમ્પો ઝાડીઓમાં ઘૂસ્યો:ફલાહ હોટેલ પાસે ચાલકે કાબૂ ગુમાવતા અકસ્માત, સદનસીબે જાનહાની ટળી

વલસાડમાં ફલાહ હોટેલ નજીક ગેસ સિલિન્ડર ભરેલો એક આઇસર ટેમ્પો અકસ્માતનો ભોગ બન્યો હતો. સદનસીબે આ ઘટનામાં કોઈ જાનહાની થઈ નથી. મળતી માહિતી મુજબ, ટેમ્પોના ચાલકે સ્ટિયરિંગ પરથી કાબૂ ગુમાવી દીધો હતો. જેના કારણે ટેમ્પો રોડની બાજુમાં આવેલી ઝાડીઓમાં ધડાકાભેર ઘૂસી ગયો હતો. ટેમ્પોમાં મોટી સંખ્યામાં ગેસ સિલિન્ડર ભરેલા હોવાથી અકસ્માત બાદ આસપાસના લોકોમાં થોડા સમય માટે ચિંતા ફેલાઈ હતી. ઘટનાની જાણ થતાં જ સંબંધિત તંત્ર ઘટનાસ્થળે પહોંચી ગયું હતું. આ અકસ્માતમાં ટેમ્પોને નુકસાન થયું હોવાનું જાણવા મળ્યું છે.