વલસાડના ધારાસભ્ય ભરતભાઈ પટેલ નાગરિકોની સમસ્યાઓ માટે કેમ્પ કરશે:રેશનકાર્ડ, આધારકાર્ડ, આવકના દાખલા સહિતની સમસ્યાઓનું આવતીકાલે સ્થળ પર નિરાકરણ

વલસાડ શહેર અને તાલુકાના નાગરિકોની સમસ્યાઓ ઝડપથી ઉકેલવા માટે ધારાસભ્ય ભરતભાઈ કે. પટેલે એક ખાસ કેમ્પનું આયોજન કર્યું છે. આ કેમ્પ આવતીકાલે, 3 સપ્ટેમ્બર, 2026ના રોજ યોજાશે. આ કેમ્પમાં રેશનકાર્ડ, આધારકાર્ડ અને આવકના દાખલા જેવી સમસ્યાઓ હલ કરવામાં આવશે. આ ઉપરાંત, પંડિત દિનદયાલ આવાસ યોજના અને બીજી સરકારી યોજનાઓ વિશે પણ જાણકારી અને મદદ મળશે. આ કેમ્પ સવારે 8 વાગ્યાથી બપોરે 2 વાગ્યા સુધી ધારાસભ્ય ભરતભાઈ કે. પટેલની ઓફિસમાં યોજાશે. નાગરિકોને વિનંતી છે કે તેઓ જરૂરી કાગળિયાં સાથે આવીને આ કેમ્પનો લાભ લે.