દિવાળીમાં ચોર ટોળકી સક્રિય ત્રણ મકાન અને એક ઓફિસમાંથી આઠ લાખની ચોરી થઇ

દિવાળી ટાણે ચોર ટોળકી સક્રિય બની છે. વડોદરાના ઓલ્ડ પાદરા રોડ, આજવારોડ અને સમા વિસ્તારમાં ચોરીના 4 બનાવો સામે આવ્યા છે. તસ્કરો કુલ 8 લાખની મતા ચોરી ફરાર થયા હતા. IOC નગરમાંથી 1.89 લાખ, ઇન્દ્રપ્રસ્થ સોસાયટીમાંથી 1.97 લાખ અને રેવા પાર્કમાંથી 1.95 લાખની ચોરી થઈ. સિદ્ધેશ્વર હેવલોકમાંથી 1.93 લાખની ઇલેક્ટ્રિક વસ્તુઓ પણ ચોરાઈ. પોલીસે ગુનો નોંધી વધુ તપાસ હાથ ધરી છે.