બિલ્ડર પિતા - પુત્રે ઇન્વેસ્ટર પાસેથી ૨૧.૪૦ કરોડ પડાવી લીધા

વડોદરામાં બિલ્ડર પિતા-પુત્ર પુરુષોત્તમ અને આકાશ વાઘેલા સામે વધુ એક છેતરપિંડીની ફરિયાદ નોંધાઈ છે. તાંદલજાના સલીમ મેમણે CID ક્રાઈમ વડોદરા ઝોનમાં ફરિયાદ નોંધાવી છે. તેમાં જણાવ્યું કે, 2020માં વડસરની જમીનમાં 6 કરોડના રોકાણ બાદ 10.86 કરોડના નફાના ચેક આપ્યા હતા, જે જમીન બાદમાં પિતા-પુત્રે બારોબાર વેચી દીધી. ધનિયાવીની જમીન અને બંગલાના નામે પણ છેતરપિંડી આચરી હતી. કુલ 21.40 કરોડની છેતરપિંડી થઈ છે.