LJIMBA અને સર્જન ઇન્ફોટેક દ્વારા Hackthon 8.0નું આયોજન:વિદ્યાર્થીઓને વોટર પ્યુરિફાયર રિપેરિંગ એપ બનાવવાનો પડકાર મળ્યો

LJIMBA એ સર્જન ઇન્ફોટેકના સહયોગથી Hackthon 8.0નું આયોજન કર્યું. સર્જન ઇન્ફોટેક કોમર્શિયલ વોટર પ્યુરિફાયરના પાર્ટ્સ બનાવે છે અને B2B બજારમાં કાર્યરત છે. આ Hackthonમાં LJIMBA ના સેમેસ્ટર 5, 7 અને 9ના વિદ્યાર્થીઓએ ભાગ લીધો. કંપનીએ તેમને એક વાસ્તવિક વ્યાવસાયિક પડકાર આપ્યો: ભારતમાં વોટર પ્યુરિફાયર રિપેરિંગ સેવાઓ માટે મોબાઇલ એપ્લિકેશન અને ઓનલાઇન માર્કેટપ્લેસ બનાવવું. વિદ્યાર્થીઓએ પડકાર સમજવા બજાર સર્વેક્ષણ કર્યું અને કંપનીની ફેક્ટરીની મુલાકાત લીધી. ત્યારબાદ દરેક વિદ્યાર્થીએ કંપનીના સ્થાપક સર્જન ત્રિવેદી સમક્ષ પોતાનો બિઝનેસ આઇડિયા રજૂ કર્યો. પ્રસ્તુતિમાં માર્કેટિંગ પ્લાન, નાણાકીય આયોજન, એપ બનાવવાનો ખર્ચ અને બ્રેક-ઈવન પોઇન્ટ સુધી પહોંચવાની વ્યૂહરચના હતી. આ Hackthonથી વિદ્યાર્થીઓને બજારની સમજ અને ઉદ્યોગસાહસિકતાનો વ્યવહારુ અનુભવ મળ્યો, જે તેમને નવીન ઉકેલો શોધવામાં મદદ કરશે.